Thursday, August 16, 2018

දයාබර නොරිකෝ සං ට

පුජියාමා කන්ද පාමුල
පිපුණු සකුරා මලක තැවරී
හමන සුළඟක් පරිද්දෙන් මං
ඔබේ නගරෙට සෙමින් එන්නම්.

ඔබේ සමුගත් පියා සමරන
මළවුන්ගේ දා නැවත එනතුරු
දවස් ගනිමින් සිටින්නෙමි මම
තවත් දවසක ඔබ දකින්නට

ඉටි පහන් මල් පොකුරු අරගෙන
සැඳා වරුවේ එන්න මා වෙත
ඔබත් සමගින් පා නැගූ මග
මල් පිපෙයි තවමත් සුවඳ කර

මං - දෙවොන්දරා සං 

Monday, July 30, 2018

ඉබ්බන් කටුව මහා ශිලා සුසානය

මානව ශිෂ්ටාචාරයේ දියුණුව විමසීමේදී මිනිසා ඈත අතීතයේ සිටම විවිධ අවමංගල චාරිත්‍ර ඉටු කළ අන්දම විවිධ ශිෂ්ටාචාර ඇසුරින් අධ්‍යයනය කළ හැකිය. නයිල් නිම්න ශිෂ්ඨාචාරයේ  අද්විතීය නිර්මාණයක් මෙන්ම සංකීර්ණ ලක්ෂණ පිළිඹිඹු කරන පිරමිඩ මෙන්ම විවිධාකාරයේ  සුසාන භුමි හමුවී ඇත.

ප්‍රාග් ඓතිහාසික යුගයේ ආයතනයේ සිට ඓතිහාසික යුගයේ ආරම්භය දක්වා කාල පරිච්ජේදය පුරවා ඓතිහාසික යුගය , ප්‍රොටෝ ඓතිහාසික යුගය , මුල ඓතිහාසික යුගය , ප්‍රථමික යකඩ යුගය යන විවිධාකාර වූ නම් වලින් හඳුන්වනු ලැබිය. සකපෝරුවේ සදා පිළිස්සු මැටි වලං හා ලෝහ මෙවලම් භාවිතයද කෘෂිකාර්මික ජන ජීවිතය තාක්ෂණික සහ සංස්කෘතික වශයෙන් විසල් වෙනසකට ලක්වීමද  මෙම යුගයේ පැවති විශේෂ ලක්ෂණයක් විය.

මධ්‍යම පළාතේ , මාතලේ දිස්ත්‍රික්කයේ ගලේවෙල ප්‍රාදේශීය ලේකම් කොට්ටාශයේ පිහිටි ඉබ්බන්කටුව , කළා ඔයේ පෝෂක ශාඛාවක් වූ  දඹුලු ඔයේ වම් ඉවුරේ පිහිටා ඇත.මෙම සුසානය අසල පැරණි ජනාවාස වල නටඹුන් හමුවී ඇත.මෙම සුසාන මෙගතිලික සුසාන ලෙසද හඳුන්වනු ලැබේ. මෙම සුසාන භුමිය මහා ශිලා සම්ප්‍රදායේ ශිලා මංජුසා සුසාන වර්ගයට අයත් සුසාන ගර්භ වලින් සමන්විතය.මෙගතිලික යුගය ලෙස හඳුන් වන්නේ මිනිසා යකඩ භාවිතය ආරම්භ කළ කාල වකවානුවයි.මෙම සොහොන් බිමට සමාන සොහොන් බිම් අනුරාධපුර ගෙඩිගේ , කන්දරෝන්දේ , පොන්පරිප්පු යන ස්ථාන වලින්ද හමු වී තිබේ.


1970- 1980 දශක වලදී පුරාවිද්‍යා දෙපාර්තමේන්තුව, මධ්‍යම සංස්කෘතික අරමුදල, පුරාවිද්‍යා පශ්චාත් උපාධි ආයතනය , ජර්මනියේ කාවා (KAVA)  ආයතනය හා එක්ව සිදු කළ පරීක්ෂණ වලදී සොහොන් කොත් 21 කින් සමන්විත සමන්විත පොකුරක් සොයා ගන්නා ලදී.

මෙහිදී සොයා ගත් අඟුරු නියැදි කාල නිර්ණ අනුව ක්‍රි.පු 600 ට පෙර මෙම සුසානය නිර්මාණය කර ඇති බව පුරාවිද්‍යාඥයන්ගේ මතයයි.

මෑතකදී එම ස්ථානයට නුදුරෙන් තවත් සොහොන් කොත් 47ක්  සොයා ගන්න ලදී. හෙක්ටයාර් 13 ක් පුරා පැතිරෙන මෙම සුසාන භුමියේ දැනට පවුල් ගණනාවක් පදිංචිව සිටින නිසා භුමි භාගය මීටර් 700 * 400 කට සීමාවී ඇත.

මෙහි සොහොන් කොත් තුළ මැටි භරණි , ගල් පතුරු 7කින් වටකර තවත් ගල් පතුරකින් වසා භෂ්මාවශේෂ තැන්පත් කළ  කොටසක් දක්නට ලැබේ.මෙම ක්‍රමය ලංකාවට පමණක් ආවේණික වුවක් නොව  , සමකාලින යුරෝපය ,අග්නි දිග ආසියාව හා දකුණු ඉන්දීය කලාපයන්හි ද  බහුලව දක්නට ලැබේ.


මෙම බරණි කුඩා හා වියලි ප්‍රමාණයන්ගෙන් දක්නට ලැබෙන අතර බරණි කුඩා හා විශාල ප්‍රමාණයන්ගෙන් දක්නට ලැබෙන අතර බරණි ඇතුලත තවත් කුඩා බරණි ද තැන්පත් කර ඇත.

එකල මැටි බඳුන් කර්මාන්තය  කෙතෙක් දියුණුව පැවතියේද යන්න මින් හෙළිවන අතර , සමහර බඳුන් නිමැවුම අතින් වත්මන් උද්‍යාන අලංකරණය ( Landscaping) සඳහා යොදා ගන්නා බඳුන් වලට සමාන වේ. මෙම මැටි බඳුන් විවිධ හැඩවලින් යුක්ත වණ අතර කළු හා රතු වර්ණ වලින් මැටි බඳුන් වර්ග 2ක්  දැකිය හැකි අතර මිට මිට අමතරව තඹ හා යකඩ ලෝහයෙන් කළ මෙවලම් හා විවිධ අමුද්‍රව්‍යයන්ගෙන් හා හැඩ වලින් යුක්ත පබළු වර්ගද මේ තුළින් හමු වී තිබේ.














මෙහිදී සිදු කරනු ලැබූ චාරිත්‍රයක් වණ මිය ගිය පුද්ගලයා සමගින් ඔහු පරිහරණය කරන ලද  භාණ්ඩ සොහොන් ගැන තුළ තැබීමෙන් අපට සිතා ගත හැකි වන්නේ මිය ගිය පුද්ගලයා නැවත පුනර්ජීවනයක් අපේක්ෂා කළ භවි.ඉන්පසු මෙම භාණ්ඩ නැවත මේ පරිහරණයට ගනු ලබන බවයි.මේ අනුව අපට පිළිගත හැකි කරුණක් වන්නේ මෙම ජනයා මරණින් පසු නැවත ආත්මයක ඉපදෙන බව විශ්වාස කරනු ලද බවට තැබූ විශ්වාසයයි.මෙම චාරිත්‍රය මුලින්ම දක්නට ලැබෙනුයේ නියන්ඩතාල් මානව ශිෂ්ටාචාරයේදිය.පසුකාලීනව මෙම චාරිත්‍රය ඊජිප්තු ශිෂ්ටාචාරය දක්වා ව්‍යාප්ත වුනි.

මෙම ඓතිහාසික සුසාන භූමියෙන් සොයා ගත් තොරතුරු අනුව  ලාංකිකයන් පුර්ව ඓතිහාසික යුගයේ දියුණු තාක්ෂණයකින් හෙබි සංස්කෘතියකට නෑකම් කි බව තහවුරු වේ.
මෙම සොහොන් බිම පිළිබඳව ආචාර්ය මිරැන්ඩෝ ඔබේසේකර මහතා ශ්‍රී ලංකාවේ ප්‍රාග් ඓතිහාසික උරුමය පොතේ මෙලෙසින් සඳහන් කර ඇත.

"කාමර සහිත සොහොන් ගෙවල් පිළිබඳව ඉතිහාසය ආරම්භ වනුයේ ඉබ්බන්කටුවසොහොන් බිමෙනි.එකම පවුලක හෝ එකම කුලයක කිහිපදෙනෙකුගේ භාෂ්මාවසේෂ තැන්පත් කර ඇති ආකාරය ආදර්ශවත්ය.මෙම භාෂ්මාවසේෂ තැන්පත් කර ඇත්තේ ඒ සඳහාම විසේශයෙන් නිපදවා ඇති සොහොන් කළගෙඩි භාවිතා කරමිනි.එක් කාමරයක් ඇති සොහොන්, කාමර දෙකක් ඇති සොහොන්  මෙන්ම කාමර කිහිපයක් ඇති සොහොන් ද මෙහි දැකිය හැක.කාමර කිහිපයක් සහිත සුසාන ගෙවල් ඉහල පන්තියේ ඒවා විය හැකිය ".

මෙම භුමියේ සඳහන් අක්ෂර පරික්ෂා කරන ලද මහාචාර්ය සෙනරත් පරණවිතාන මහතා සඳහන් කරනු ලැබුවේ මෙම අක්ෂර මොහොන්දොජාරෝ හරප්පා ශිෂ්ටාචාරයෙන් සොයා ගනු ලබු අක්ෂර වලට සමනා කමක් දක්වන ලද බවයි.


ඉබ්බන්කටුව භුමිය මෙරටින් සොයා ගත් මෙවැනි සම්ප්‍රදායේ සුසාන භුමි අතුරින් විශාලතම සුසාන භුමිය වණ අතර.ඉබ්බන්කටුව පොල්වත්ත නම් ප්‍රදේශයෙන් සොයා ගත් ජනාවාසය මෙරට මුල් යකඩ යුගයට අයත් ජන්වසයක් හා සොහොන් ගර්භයක් එකට හඳුනා ගත් ප්‍රථම අවස්ථාව වේ.



Saturday, July 14, 2018

පිළිකා රෝගය ඇතුළු රෝග රැසකට සුවය සාදන තෙබු


 Costasspesiosus යන උද්හිද විද්‍යාත්මක නාමයෙන් හඳුන්වනු ලබන තෙබු ශාකය , අග්නි දිග ආසියාව නිජ බිම කර ගත්  , රෝග ගණනකවටම ගුණ දෙන ආයුර්වේදීය ශාකයක් මෙන්ම ආහාරයකි. ඉන්දුනීසියාවේ සුන්ඩා දුපතේ බහුලව ව්‍යාප්තියක් දක්නට ලැබෙන මෙම ශාකය කුක්, ෆිජි, හවායි වැනි ෆැසිෆික් දුපත් වලද ශ්‍රී ලංකාවේ ගම්බද ප්‍රදේශ වලද දක්නට හැකිය.

ආයුර්වේද වෛද්‍ය විද්‍යාවට අනුව මෙම ශාකය දියවැඩියාව සඳහා ප්‍රත්‍යක්ෂ ඖෂධයකි.එමෙන්ම රුධිරගත කොලොස්ටරෝල් පාලනය කරන සමේ ඇති වන බිබිලි සුව කරන ප්‍රධාහය සහ බඩේ ආම්ලික ගතිය ( ගැස්ට්‍රයිටිස් ) , ලාදුරු , උණ බ්‍රොන්කයිටිස් හෙවත් ශ්වසනාල ප්‍රධාහය සුව කරන බඩවැල් වල පනුවන් නසන, හදවත් රෝග සඳහා  අගනා ඖෂධයකි.

අතීතයේ සිටම ශ්‍රී ලංකාවේ ගැමි ජනතාව තෙබු කොළ විවිධාකාරයේ අහාර වශයෙන් සකසා පාරිබෝජනයට ගෙන ඇත .නොමේරු තෙබු කොළ රසවත් මැල්ලුමක් වන අතර , කලවම් මැල්ලුම් , සලාද , හෝ ව්‍යන්ජනයක් වශයෙන් පිළියෙළ කර ගත හැක. අල හෝ පරිප්පු මිශ්‍ර කිරීමෙන් , තෙබු ව්‍යංජනය වඩාත් රසවත් වේ. නමුත් දිනපතා ආහාරයට ගැනීම සුදුසු නැත.මන්ද රුධිරයේ සිනි මට්ටම අඩු කරන නිසාය.

2012 වර්ෂයේදී වෛද්‍ය කල්ප සමරකෝන් , චමින්ද ලක්මාල් , ප්‍රසාද් ජයසුරිය තෙබු ශාකය පිළිබඳව පර්යේෂණ පවත්වා ගුණ රාශියක් අනාවරණය කර ඇත.

මෙහි ඇති වැදගත්ම සොයා ගැනීම පිළිකා නසන ගුණයක් , තෙබු ශාකයෙහි අඩංගු බවයි . තෙබු ශාකයෙහි ඇති පිළිකා මර්ධන ගුණ පිළිබඳව දකුණු කොරියාවේ Jeju ජාතික සරසවියේ ජීව වෛද්‍ය විද්‍යාඥයෙකු වූ  මහාචාර්ය  You-Jiujoon  ( Professor You- Juijoon of Jeju National University of South Korea) කළ පරීක්ෂණ අනුව  පිළිකා සෛල මර්ධනය කිරීමේ ශක්තිය තහවුරු වී ඇත.මේ පිළිබඳව වැඩි දුර පරීක්ෂණ සිදු වෙමින් පැවති.

නාගරික වෙළඳ පලට ගෙන එන තෙබු කොළ සීග්‍රයෙන් විකිණෙන්නේ නාගරික ජනතාව මෙහි ඇති ගුණය වඩාත් අවබෝධ කරගෙන ඇති නිසාය. අප ආවට පරිසරයේ ඇති ගස් වැල් වලින් නිසි ප්‍රයෝජන ගෙන  ලෙඩ රෝග වලින් තොර සමාජයක් බිහි කිරීමට මෙම ලිපිය උපකාරී වේවා .

අන්තර්ජාලය සහ ඩේලි නිව්ස් - විද්‍යා  (2016/05/25 )අතිරේකය ඇසුරෙනි.

Tuesday, July 10, 2018

රත්නපුර රමණිය පෙත්තරේ කළු ගල් ජලාශය සොයා ගියෙමි

රත්නපුර නගරය ආසන්නයේ පිහිටි , රත්නපුර පානදුර මහා මාර්ගයට මායිම්ව ඓතිහාසික ශ්‍රී සුමන සමන් දේවාලය පිහිටා ඇත.මෙම දේවාලයේ ඉතිහාසය 4 වන පරාක්‍රමබාහු රජුගේ රාජ්‍ය සමය දක්වා දිව යන අතර නිල් මැණික් සොයා රුවන් පුරයට පැමිණි  කාමදේව නමැති ඇමති විසින් නිල් මැණික් ලබා දෙන ලෙස  භාරයක් වී ඇත.ඔහු විසින් බාරයෙන්  පසුව මැණික් ගැරීම ආරම්භ කර ඇති අතර එම පත්ලෙන් නිල් මැණික් හමුවී ,පසුව  රාජ්‍ය අනුග්‍රහය ඇතිව ඔහු විසින් පැරණි සමන් දේවාලය  තෙමහල් මන්දිරයක් සහිතව ඉදි  කරන ලදී.මේ පිළිබඳව ඓතිහාසික පුවත සමන් සිරිත නම් කාව්‍ය  සංග්‍රහයේ ඇතුලත් වී ඇත.

                                                   


පැරැන්නන්ගේ මතය අනුව ප්‍රධාන දේව මැදුර ඉඳි කර ඇත්තේ පිරිසිඳු කරන ලද ගම් මැටි කිතුල් පැණි යොදා පල්පයක් ලෙස සකසා ගැනීමෙනි.මෙය දේවාලයේ දිගුකාලින පැවැත්මට හේතු වී ඇත.

සමන් දේවාලයේ පිටුපසින් වක්කලමක් සාදමින් කළු ගඟ ගලා බසින අතර අනික් පසින් පොත්ගුල් කන්ද පිහිටා ඇත.පොත්ගුල් රජමහා විහාරය වළගම්බා රජු සැඟවී සිටි ස්ථානයක් වන අතර , භූගත ලෙනක් සහිත මෙම විහාරය පැරණි ලෙන් විහාරයකි.

සමන් දේවල භුමියේ දෙවොලට ආසන්නයේ පැරණි ගැඹුරු ලිඳක් පිහිටා ඇති අතර ,මෙම ලිඳට මලක් දැමු විට පොත්ගුල් විහාර භුමියේ ඇති ලිඳෙන් මතුවන බවට පුරාවෘතයක්  පවතී. මේ අනුව සමන් දේවාලය  වළගම්බා රජ සමයටද සම්බන්ධ වන්නට ඇත.පෘතුග්‍රීසි සමයේදී සමන් දේවල භුමිය පෘතුග්‍රීසි බලකොටුවක් වූ අතර මේ පිලිබඳ ඇති  සෙල් ලිපි අද පවා දක්නට ලැබේ.

පැරණි ගල් උළුවස්ස


පැලවෙන ගල් පැලය



අතීතයේ සිටම පැවැත්වූ සමන් දේවාලයේ ඇසල පෙරහැරෙහි මුතුකුඩය ගෙන යන්නාගේ සිට සඳුන් කුඩු දල්වන අඟුරු කබල ගෙන යන්නා දක්වා රාජකාරියෙහි නියුතු පවුල් රාශියක් දේවාලය අවට ගම් වල පදිංචි වී ඇත. පෙත්තරේ යනු මින් සුවිශේෂී ගම්මානයකි.රෙදි පිලි සේදීම රැකියාව කර ගත් මෙම ගම් වාසින් ජලය ලබා ගන්නේ කළු ගලින් නිම වුන විශාල ගල් බේසමිකිනි.මෙය සොබාදමේ අපුර්වතම නිර්මාණයකි.


දෙකෙළවර සිහින්ව මැදින් තරමක් පළල් ව ගල් ඔරුවක් මෙන් නිර්මාණය වී ඇති මෙම කළුගල් බේසම එක් කෙළවරකින් ගල් කුළු  සහිත තරමක් උස කන්දකට සම්බන්ධ වේ. ගල් කුළු දෙකක් මැදින් ගලා හැලෙන දිය පාරක් බේසමට ජලය සපයන අතර අනික් කෙළවරින් ජලය පිටවී යයි. ගල් බේසමේ ගැටිය මත රෙදි තබා සබන් ගා පිරිසිදු කර ගත හැකි පරිදි සමතලාව පිහිටා ඇත. රාජක පවුල් රාශියක් මෙම ස්ථානයේ රෙදි සේදිමෙහි යෙදෙති.


වසර 10 කට පමණ පෙර මා, මෙම ජලාශය දකින විට මිනිසාගේ කිසිඳු සහභාගිත්වයකින් තොරව පැවති සුන්දරත්වය ගල් වල අද්දරින් පාරක් දැමීම නිසා තරමක් අඩු වී ඇත.ගල් වලේ පළල පටු වී ඇති අතර කඩතොළු සහිත ස්වභාවිකත්වය පාර සහිත කොටසින් ඉවත් වී ඇත.මෙම පාර නිම කර ඇත්තේ අසල පිහිටි නිවාස වලට යාමටය.



Thursday, June 28, 2018

හරි පුදුම ඉස්කෝලේ





1981 වර්ෂයේදී  ජපන් ජාතික ටෙට්සුකෝ කුරයනාගී විසින් ජපන් බසින් රචනා කරන ලද " මදොගිවා  නො ටෝට්ටෝ චන් " නමැති කෘතිය ලෝක වාර්තා තබමින්  මාස 16 ක් තුල පිටපත් ලක්ෂ 50 ඉක්මවා අලෙවි වූ ලොව පුරා අධ්‍යාපන වේදීන්ගේ නොමද අවධානයට පාත්‍ර වූ ග්‍රන්ථයකි.අධ්‍යාපනඥයකු වූ ලීලානන්ද  ගමාච්චි මහතා විසින් මෙය සිංහලයට පරිවර්තනය කර ඇත.

මෙම පොතෙහි ඇත්තේ දෙවන ලෝක සංග්‍රාමය සිදුවූ අවධියේදී ටෝකියෝ නගරය ආශ්‍රිතව පිහිටා තිබු අසිරිමත් පර්යේෂණ පාසලක් පිලිබඳ තොරතුරු ය .එහි සිසුවියක විසින් තමා එහෙදි ලද අත්දැකීම් පිළිබඳව සිදු කරන විස්තරයකි. පන්ති කාමර , පුස්තකාල ලෙස දුම්රිය මැදිරි කිහිපයක් උපයෝගී කරගෙන සැලසුම් කර තිබු මෙම පාසල ස්වභාව ධර්මයා හා වඩාත් සම්බන්ධව ඇති අතර සොසොකු කොබයාශි නමැති සුවිසේෂි අධ්‍යාපනඥයකු විසින්  පවත්වාගෙන යනු ලැබිය.

කොච්චි පෙට්ටි තුල තිබු පන්ති කාමරවල සිසුන් වැඩි කැමැත්තක් දැක්වූ අතර නිදහස, විනෝදය සහ ආදරය මැද ළමෝ ඉගෙනුම ලැබුහ.
" ළමයින්ගේ උතුම් බලාපොරොත්තු නොනසන්න .ඔවුන්ගේ සිහින ඔබගේ සිහිනවලට වඩා විශාලය" යන්න කොබයාශි  මහතාගේ අවවාදයයි. දඟකාර දැරියක ලෙස අවුරුදු හතේදී  පළමුවන ශ්‍රේණියෙන් නෙරපා හරිනු ලැබූ ටෙට්සුකෝ කුරයනාගී මෙම පාසලට බැඳුනු අතර පසු කාලීනව ජපානයේ සුපතල , ජනප්‍රියතම රුපවාහිනී ශිල්පිනියක් බවට පත් වුවාය.

 සිය අධ්‍යාපනයෙන් පසු ඉතිරි කාලය ළමුන් කැමති ක්‍රියාවක යෙදීමට ඉඩ දීම ඉතාමත් සාර්ථක වූ බව ලේඛිකාව පවසයි. ළමා නිදහස් චින්තනය සංකල්පය තුලින් අධ්‍යාපනයේ සාර්ථකත්වය මේ යයි  හඬගා කියන මෙම නවකතාව අධ්‍යාපනික මෙන්ම මනෝවිද්‍යාත්මකව ද වැදගත් වන  සියලුම වයස් කාණ්ඩ වල සහ අධ්‍යාපන ක්ෂේත්‍රයේ රැකියාවල නියුතු සැමටම  බැලිය යුතු වටිනා කෘතියකි.

Thursday, June 14, 2018

පුංචි දුවේ

වෙරළ ඉමේ රළු මුහුදු කොණේ
බෙලි කටු අහුලන පුංචි දුවේ
නොහදන් වැලි මාලිගා තවත්
රළු රළ පෙරලන සයුරු තෙරේ

පෙණ පිඩු නගනා මුදු රළ සොඳුරුයි
පියඹයි වැහි ලිහිණින් අහසේ
පාවෙන රතු , වළා පෙළින්
මවයි රූප නිල් අහස් ගැබේ

රළ පෙළ දරුණුයි සැරින් සැරේ
කඩා දමයි මාලිගා අපේ
වැටෙයි කඳුළු බිඳු නුඹේ නෙතින්
ඈතට දුවපන් නොයිද තවත්

ඈත එපිට ගම්මාන මැදින්
පාරක් අත නුඹ පැමිණෙන තෙක්
තෝරාගෙන මග නුඹ ගියෝතින්
හමුවනු අත කෙම්බිම නිසැකින්


Monday, June 4, 2018

කාෆිර් ජනයාට ජන්ම භුමිය වූ පුත්තලමේ සිරම්බි අඩිය


කෆීර් ජනයා යනු අප්‍රිකානු ජනයාගේ සම්මිශ්‍රිත වූ ශ්‍රී ලංකික ජනසම්භාවයකින් යුතු පුත්තලමේ සිරම්බි අඩිය ප්‍රදේශයෙහි ජිවත් වන සාමකාමී ජන කොට්ටශයකි මොවුන් මොසැම්බික් ,මැඩගස්කාර් , උගන්ඩා වැනි රට වලින් පිරිස 2000ක් පමණ හමුදා සේවයටත් ප්‍රභූ ජනයාගේ පවුල් වල මෙහෙකාර සේවයටත් කැඳවා ගෙන තිබේ.වැඩි වශයෙන්ම පැමිණ ඇත්තේ 1 වන ලෝක යුද්ධ සමයේදීය .පෘතුගීසින් , යුරෝපා ජාතිකයින්ද මොවුන්ව මේ යුදයේදී වහල් සේවයේ නිරතවූ බව පිළිගැනේ,
ලංකාවේ බලය අල්ලා ගත පෘතුග්‍රීසීන් 1630 දී ගෝවේ සිට මෙරටට මොවුන්ව ගෙන ආ බවත් කියවෙනවා. 1807 දී කාපිරි ජාතික සෙබළුන් 300ක් පමණ සිට ඇති අතර ඉංග්‍රීසින් යටතේ කාපිරි ජාතිකයින් 300ක් කොලබ ආශ්‍රිතව සිට ඇත. මොවුන් කොණ්ඩය බොකුටු ,තියුණු ඇස් සහ තොල් සහිත නිග්‍රෝ කාණ්ඩයට අයත් වුවන් වේ.

මොවුන් රජයෙන් හදා දුන් නිවාස වල ජිවත් වන අතර රැකියාව ලෙස පෙදරේරු කර්මාන්තය කුලී වැඩ සහ ගොවිතැනෙන් ජිවත් වෙති.මොවුන්ගේ දරුවන් පුත්තලම සිරම්බි අඩි මහා විද්‍යාලයේ ඉගෙනුම ලබයි.

මොවුන් සිලෝන් කැෆර් ජන සමුහයට අයත් වන අතර මොවුන් අදහන්නේ රෝමානු කතෝලික ආගමයි.සිරම්බි අඩි ගම්මානයේ දැනට මොවුන්ගේ පවුල් 40ක් පමණ වාසය කරනවා.මොසැම්බික් රට පෘතුගීසින් විසින් බොහෝ කාලයක් යටත් කරන සිටි බවයි මුලාශ්‍ර වලින් හෙලිවෙන්නේ.

ලන්දේසින් ගේ යටතට ශ්‍රීලංකාව පත්වූ පසු මොවුන් බන්ධනාගාර වල සිරකරුවන් බලා ගැනීම කච්චේරි වල ප්‍රථමික ගනයේ රැකියා වලට ආදී රැකියාවන් වල යෙදිමට පටන් ගත්හ.එමෙන්ම පුත්තම ලුණු ලේවයේ ,කොලබ කොම්පැනි වීදියේද සේවය කල බවත් බොහෝ දෙනෙකු
ඉංග‍්‍රීසි ආණ්ඩුව කාලේ තුන්වැනි ලංකා රෙජිමේන්තුවේ සේවය කල බවත් පොත පතෙහි අඩංගු වන කරුණක්.ඉංග්‍රීසි ආණ්ඩු කාලයේ ‘සෙල්ල කණ්ඩල්’ නමින් කාපිරි කොලනියක් තිබූ බව සේනානායක මුදියන්සේ විසින් රචනා කරන ලද ‘සැඟවුණු සුවඳ’ කෘතියේ සඳහන් වේ.

මොවුන් පිළිබඳව පර්යේෂණ කල ආචාර්ය එම් ගුණතිලක මහතා පවසන ආකාරයට මෙම භාෂාව කතා කිරීමට පමණක් ඇති අක්ෂර මාලාවක් නොමැති භාෂාවකි.එමෙන්ම ඉන්දු පෘතුග්‍රීසි භාෂාවට සමානත්වයක් ඇති බවත් එතුමා විසින් පවසා ඇත.

එතුමාට අනුව සිරම්බි අඩි යන වචනය දෙමල භාෂාවෙන් ගස උඩ පැලක් යන අර්ථය ලබා දෙන්නකි.මොවුන්ට විශේෂිත වූ භාෂාවක් සහ සංස්කෘතියක් ඇති අතර එය ලන්දේසි ඉංග්‍රීසි ප්තුගිසි සහ සිංහල සංස්කෘතීන් වල මිශ්‍රණයකි.
මොවුන්ගේ පරම්පරාවෙන් පැවතගෙන ආ අපුරු ගීත කොටසක් ඇති අතර එමෙන්ම ඔවුන්ගේ ආවේණික වූ රඟන විලසයක්ද එහි යන්නවුන්ට දැකිය හැක.මෙම කපිරිඥ ගීත විවාහා මංගල උත්සව වලදී, ක්‍රිස්තියානි නම් ගත කිරීම් වලදී භාවිතා කරයි.

සිංහල නෝනා
එයූ කරේනසා
පොරතාන්තරේ පුර්තාන්තරේ පියානමස්‌දා
පියා නමන්දා
පියා නමස්‌දා.
මෙය පෘතුගීසි තරුණයෙක්‌ සිංහල තරුණියකට විවාහය සඳහා ආරාධනා කරන ආකාරයක්‌ ගැන්වේන ගීතයකි.
මොවුන් භාවිතා කරන සංගීතය මාඤ්ජ ලෙස හඳුන්වනු ලබන අතර ඒ සඳහා මොවුන් පොල් කටු දෙකයි, ඩෝලයයි, රබාන, බෝතලය සල්ලි හැඳි දෙකයි භාවිතා කරනු ලබයි. ආචාර්ය එම් ගුණතිලක මහතාට අනුව මාඤ්ජ යන වචනය පෘතුග්‍රීසි භාෂාවේදී මර්චස් යනුවෙන් හඳුන්වනු ලබයි .ඒ සංගීතය විසේශයෙන්ම මංගල උත්සව වලදී වාදනය සහ ගායනය කරනු ලබයි.

බ්‍රෝහියර් දුටු ලංකාව පොතේ මොහු කෆීර් වරුන්ගේ සාදයක් දුටු ආකාරය මෙසේ විස්තර කරයි .
සති අන්තයක ඉර බැසයන ගොම්මන් යාමයේ ඔවුහු ඒ සඳහා සූදානම් වූහ. පොල්තෙල් පහන්ද දර කොටන්ද දල්වන ලදි. නරඹන්නෝ පැදුරුවල දිගාවී සිටියහ. ඔවුන්ගේ පන් මලූවල පවුලටම සෑහෙන්න කැවිලි පෙවිලි විය. සමහරු කේක් වර්ගද තවත් සමහරු උකු හොදිවල පෙඟවූ ආප්ප සහ ඉඳිආප්පද ගිල දැමූහ. සමහරු ලබුකැටවලින් ගෙන එන ලද රා පානය කළහ. එහි කුකුළන් කෙටවීමද විය. එහෙත් වැඩිදෙනා ප‍්‍රිය කළේ සංගීතයටය. නැටුමටය. සංගීත සහ නැටුම් උත්සව පැවැත්වීමට ඔවුන්ට ඕනෑතරම් නිමිති විය. උපන් දිනයක්, සංවත්සරයක්, දරුවකු ක‍්‍රිස්තියානි කිරීමක් මතු නොව හොඳට හඳ පායා තිබීමත් ඊට හේතුවිය.’

Photos from Rawaya NEws PAper



Friday, May 25, 2018

හැංගි විහංගි - දිලීප ජයකොඩි මහතා

 ප්‍රවීණ ඉන්දියානු ලේඛක චේතාන් බගත් විසින් රචිත Half  girl Friend හෙවත් දිලිප ජයකොඩි මහතා විසින් පරිවර්තනය කරනු ලැබූ හැංගි විහංගි නව කතාව පාඨක සිත් ඇඳ බැඳ ගන්නා රසවත් නව කතාවකි.

සම්ප්‍රදායන් , පැරණි සිරිත් විරිත් අගයන ඉන්දීය ජන සමාජයේ කඩතුරාවට යටින් ක්‍රියාත්මක වන ළමා අපචාර කාන්තා අපයෝජන ආදිය නිසා නිවසේ පරිසරයෙන් ඉවත්වී සැනසුම සහ නිදහස සොයා යන තරුණියක් පිලිබඳව හැංගි විහංගි නව කතාව  ලියැවී ඇත.

කුඩා කල සිදුවන සංසිද්ධීන් වැඩි වියට පත්වූ පසුත් යටි සිත තුල ක්‍රියාත්මක වීමේ මනෝ විද්‍යාත්මක සංසිද්ධිය මෙම කතාවට පාදක වී ඇත. සැප සම්පත් වලින් පිරි පවුලක හැදී වැඩුණු රියා ඉගෙනුමට මෙන්ම ක්‍රීඩාවට දක්ෂ  දැරියක් වන අතර උසස් අධ්‍යාපනය ලබන කාලයේදී  ඇයට ගැලපෙන චරිතයක් වන මාධව් හා මිත්‍රත්වයක් ඇති කර ගනී. මෙම සම්බන්දධාවය ප්‍රේමයකින් අවසන් නුවුවත් ඔවුනතර ඇති වන්නේ සමීප සම්බන්ධතාවයකි.

හදිසියේ ඇති වන වචන හුවමාරුවක් නිසා ඔහුගෙන් ඈත් වන රියා දෙමවුපියන් විසින් යෝජනා කරන ලද ඇයගේ  අදහස් වලට නොගැලපෙන ධනවත් තරුණයකු වන රොහාන් ට  විවහා වේ.
 රොහාන්ගේ සල්ලාල ජීවිතය නිසා ඔහුගෙන් ඈත් වන රියා රැකියාවක් සොයා ගෙන මාධව් ගේ ගම් ප්‍රදේශය අසල නගරයකට යයි.මෙහිදී නැවතත් මාධව් මුණගැසෙන අතර දෙදෙනාගේ මිත්‍රත්වය නැවතත් දළුදා වැඩේ.

සම්ප්‍රධානුකුලව සිතන මාධවගේ මව රාජ වංශික කාන්තාවක් වන අතර තම පුතා විවාහ ගිවිසගෙන සිටි කාන්තාවක් විවහා කරගන්නවාට අකමැති වූ නිසා මාධව් ටත් නොකියා ඉන්දියාවෙන් පිට වන රියා ඇමරිකාවේ නිව්යෝක් නුවර ගායිකාවක් ලෙස සංදර්ශන වලට සහබාගි වෙමින් ජිවත් වෙයි.

සම්ප්‍රධායික ගතානුගතික අදහස් සහ දෙමවුපිය බලපෑම්  නිසා ප්‍රශ්න වලට මුහුණ දෙන රියා සහ මාධව්  අවසානයේදී අභියෝග ජය ගනී.ඉන්දියනු ධනවත් පංතිය සිය ගෞරවය සහ සමාජ තත්වය රැක ගැනීමට මිස දරුවන්ගේ සිතුම් පැතුම් සහ රැකවරණය පිළිබඳව අවධානය යොමු නොකරන ආකාරයක් මෙම කතාවෙන් පැහැදිලි වේ.

මාධව්ගේ පසුබිම බැලුව හොත් ඈත ගම්බද සමාජයේ පැරණි සම්ප්‍රධායන් තව දුරටත් ඉතිරි වී ඇති ආකාරයක් දැකිය හැක.තම තරුණ දියණිය කුමන රටක ජිවත් වන වාද , කුමක් කරනවද කියා වත් පවුලේ සාමාජිකයින්  අවසානයේදී නොදනී. පවුල සමග සමීප සම්බන්ධතාවයක් නොපවත්වන ඇයටද පවුලේ අය පිළිබඳව හැඟීමක් නැත.ඉන්දීය සමාජය විවරණය කරන නවකතාවක් ලෙස හැංගි විහංගි නව කතාව හැඳින්විය හැක.

ඉන්දීය සමාජයේ සම්ප්‍රධායන් සහ සිතුම්පැතුම්, ජිවන රටාව පිළිබඳව මනාවූ අවබෝධයකින්  යුතුව හැංගි විහංගි නව කතාව  පරිවර්තනයට ලක් කිරීමට  දිලීප ජයකොඩි මහතා විසින් ගෙන ඇති උත්සාහය ඉතාමත් ප්‍රශංසනීය වේ.


Wednesday, May 9, 2018

එන්න සියැටල් විගස

අප උපන් පරිසරය , අප වසන පරිසරය
එපා වනසාලන්න
ලක්වෙය දඬුවමට .

සියැටල් ..... ඔබ එන්න
පවසන්න ......රකින හැටි .... පරිසරය
මිනිස් අපි එන්න පෙර
පරිසරය තිබු බව.
වන සතුන් සිටිය බව

ඩෝසරෙන් , බෝරයෙන්
පුපුරවා කඳු ශිඛර
තුනී කර පස් කන්ද
වනසලා දිය කඳුර

නාය යන කඳු වැටිය
දෝරේ යන ගංගාව
කියා දෙන පණිවිඩය
අනන්තයි අහස ලෙස

අප රකී පරිසරය.
සොයමු විසදුම් විගස
උඩ බලා සියහොත්
ලඟට එයි විනාසය

Thursday, April 26, 2018

මඩුවන්වෙල වලව්ව


ඇඹිලිපිටියේ පිහිටි මහා කළු සිංහලයා නොහොත් වීරසේකර මුදියන්සේගේ වලවුව මඩුවන්වෙල වලවුව නමින් හැඳින්වුනි.මෙය ඇඹිලිපිටියේ සිට සුරියකන්ද මාර්ගයේ කිලෝමීටර් 24 කැ දුරින් මෙය පිහිටා ඇති අතර 1878 දී නිර්මිත මෙම වලවුව වසර140 ක් පමණ පැරණිය.
මෙම වලවුව අක්කර 20ක පමණ විසල් භූමියක් සතු වී ඇති අතර, විසල් ප්‍රමාණයේ විවිධ වර්ගයේ ශාක එකතුවකින් පිරි භුමි භාගයකි.මෙම වලවුව වටා ඉතා ශක්තිමත් පවුරු 3ක් ඉදි කර ඇති අතර පිටත පවුර ශක්තිමත් වීමට කළු ගල් යොදා ඇති අතර එ ගල් උළුවස්ස ලෙස හැඳින්වේ.දොරටුව දෙපසද තොරණක ආකාරයෙන් මනරම් ලියවැලක් ද මකර තොරණක ආකාරයෙන් ගල් අරුක්කුවක්ද දැකිය හැක.

ඔටුනු නොපලන් රජකු වීලසින් ප්‍රදේශයම පාලනය කිරීමට , තම ආධිපත්‍ය පතුරවාලීමට මොහු සතු ධනය් බල පරාක්‍රමය ඉවහල් වූ බව බොහෝ දෙනා පවසන දෙයකි. මඩුවන් වෙලා වලවුව පිළිබඳව වෛද්‍ය ශාන්ත දුනුකාර ලියූ ‘මඩුවන්වෙලට පියමං’ පර්යේෂණාත්මක කෘතියේ  ඇති කවියකින් මෙම වලවුවේ තිබු තේජස පිළිබඳව මනා අවබෝධයක් ලබා ගත හැක.

පාරට දොරටුව ගල් කණු කප්පා මල්වලිනුත් හැඩ කරනා 
වෙහෙරට රන්කොත සේ කලස් පිට මොණරුන් දිළිසෙමිනා 
මෙරට පවතින ගල් උළුවස්සට කිව්වා සිව්පද සන්තොසිනා 

මෙයින් හැඳින්වෙන්නේ රජ මාලිගාවක් බඳුවූ මෙම මහා මැදුරේ පිටතින් ඇති ගල් පවුර පිළිබඳවයි. එදවස  මෙම ගල් දොරටුවෙන් කිසිවෙකුටත් ඇතුළු වීමට තහනම් වී ඇති අතර මෙම දොරටුව සුද්දන් පැමිණීමේදී හිස නවා පැමිණිය යුතු ආකාරයට සදා ඇති බව පවතින මතයකි.මෙය මුදලිගේ උසට සදා ඇති අතර ඇතුළු පවුර පහන් පවුර නම් වේ.එහි අලංකාර පහන් කුරු රාශියකින් සමන්විත ව තිබේ.


වලවුවට ඇතුළු වන විටා මොසැයික් ආට් ක්‍රමයට නිර්මාණය කල එනම් විදේශීය කලාත්මක බැවින් යුතු පිගන් කැබලි අල්ලා තනන ලද පිරිත් මණ්ඩපය  දකින්නට ලැබේ.එහි වාසනාව ගෙන ඒමට ඇත් අස් රු ආදියද කැටයම් කොට ඇති බව පතල පුවතකි.මැද මිදුල වටාද බ්‍රිතාන්‍ය මහා රැජිනගේ රුව ගත පිගන් කැබලි බිමට අල්ලා තිබීම සුවිසේෂි කරුණයි.මේ මගින් සුද්දන්ට එතුමාගේ තිබු විරෝධිතාව පෙන්නුම් කරන ලද්දක් බවද 
කියැවේ.


වලව්වේ වතුර මලක් සහිත ජාල තටාකයක් ගොඩ නගා ඇති අතර ප්‍රධාන දොරටුවෙන් ඇතුළු වූ විට හමුවන මහා බංගලාව නම් කොටසේ  කණාමැදිරි සහ සියඹලා ගස් වල අරටුවෙන් නිර්මාණය කරන ලද ත්‍රිමාණශීලි බවකින් යුතු මෙතුමාගේ ජීවමාන ස්වරුපයේ රුවක් ගොඩ නගා ඇත.බොරදම් සහ මනරම් ලියවැල් ද මෙම ජයාරුපයේ ඇතුලත් වීම සුවිසේෂි කරුණකි.

මොහුගේ විනෝදය පිණිස තනනු ලැබූ දික්ගෙයි නැටුම්කාමරයද සුවිශේෂි අංගයකි.ඒ අසලින්ම සුදු ජාතිකයින් හා බිලියඩ් ක්‍රීඩා කිරීමට සෑදු බිලියඩ් කාමරයද පිහිටා ඇත.

ඒ අසල පිහිටි පුංචි බංගලාව ශාලාවේ ලන්දේසි කොටුවකට පහර දී එයින් ගෙන ආ දොර උළුවහු සවිකොට ඇති අතර මෙය රැස්වීම් ශාලාවක් ලෙස භාවිතා කරන්නට ඇතැයි සිතිය හැක. වලවුවේ වහලයට යොදා ඇත්තේ නුවර යුගයේ පෙති උළුය.මෙහි කාමර 121 සහ මැද මිදුල් 21 ක් තිබු බව පැවසේ. අතීත කලාකරුවාගේ නිර්මාණශීලි බව සහ වාස්තු විද්‍යාත්මක හැකියාවන් මනාව ඔප්නංවන කරුණක් වන්නේ මැද මිදුල් වලට සහ වලවූ වත්තට එකතු වන සියලුම ජලය මඩුවන්වෙල වැවට එකතු වන ලෙස සැකසු ජලවාහන පද්ධතියයි.

වලව්වක්  ලෙස මෙය ගොඩ නැගෙන්නේ රාජ මුද්‍රාව සහිත තඹ උළු කැටයක් රජුගෙන් ලැබීමත් සමග බව පවසයි. ඒ 1700 වසරේදීය.1619  වසරේදී රචිත සබරගමු ලේඛම් මිටිය මෙම වලවුව පිලිබඳ ඇති පැරණිතම සාක්ෂි සමුහයයි.

නිසි වයසට පැමිණි පසු එතුමා කුරුවිට එක්නැලිගොඩ කුමාරි හාමි හා විවාපත් වූ අතර ඔවුන්ට ලැබුණු දියණිය අබාධිත වූ අතර ඇය ප්‍රසිද්ධ වුයේ කොර මැණිකේ යන අන්වර්ථ නාමයෙනි.
පසුකාලීනව මෙම වලවුව මෙතුමාගේ සොයුරකුගේ දරුවකු වූ ෆ්‍රැන්සිස් මොලමුරේ මහතාට හිමිවිය.



මඩුවන්වෙලට පියමං කෘතියට අනුව මඩුවන්වෙල වලවුව නිර්මිත වී ඇත්තේ විජයබා කොල්ලය ඇතිවූ සමයේදීය.1952 දී පනාමුරය නින්දගම මෙතුමාට හිමි වන අතර 1760 වසරේදී රජකු නොමැතිව මුදලිවරුන් පමණක් සටන් කොට දිනු සිංහල  වංශයේ අවසාන  සටන වූ කටුවන සටනින් ලද ජයග්‍රහණය හේතු කොටගෙන මෙතුමාට වලකඩ නින්දගම ප්‍රදානය කරන ලදී.


විවිධ මුලාශ්‍ර ආශ්‍රයෙන් සකසන ලද අතර ජයාරූප අන්තර්ජාලයෙන් උකහා ගන්නා ලදී.

Tuesday, April 24, 2018

ප්‍රේමය

දෙගම් ඉවුරු යා කරලා
ඔබයි මමයි තැනු පාලම
ලඟට වෙලා මම සිටියා
මල් සුපිපුණු තරු සෙවණේ

ඈත ඉමක ඔබේ ලොවින්
මගේ ලොවට වඩින තුරා
හිරු මුමුණන - සඳු මුමුණන
සැන්දෑවේ රහස් අසා මා සිටියා

එපා දිනිඳු බැස යන්නට
දිය කඳුරේ ගී අසන්න
ඒ ගන් දිය පවසන්නේ
දිවි ගමනේ නව ගීතය

Sunday, April 15, 2018

සතුට සෞභාග්‍ය සපිරුණු වාසනාවන්ත නව වසරකට ආසිරි !

අහස් කුස බබළවා සඳ මඬල නැගේවි
මඳ නලට මුසු වෙලා මල් සුවඳ හමාවී
බක් මාසේ එළඹිලා නව වසක් උදා වී
සියලු දුක් නැති වෙලා යහපතක් ලැබේවි.

කඳුළු බිඳු වියැකිලා සිනා මල් ගලාවි
දුක් තැවුල් සෝ සුසුම් ඔබට ලං නොවේවි
සිත් සතන් පිබිදිලා තරු රැසක් දිලේවි
නව ලොවක් වෙතට පහන් දොර ඇරේවි

සතුට සිනහව ඉතිරෙන වාසනාවන්ත නව වසරකට ආසිරි !


Saturday, April 7, 2018

නිමිත්ත : මියැදුණු පෙම්වතා වෙනුවෙන් සෝ සුසුම් හෙලන තරුණිය


විසල් වුන කදුලැලි
නෙත් කොණින් ගලද්දී
පෙම් බදිමි සෙනෙහසින්
මියැදුණු අතීතයට
පුරමි පැතුමන් බෝසතුන් සේ
එක් වෙන්න
ඔබ සිටින ලොවට විත්


බලා ඉමි නෙතු කඳුලින් තේමා
අතීතය සිහි කර බැති සිතින්
මතක වස්ත්‍ර පුජා කර
සෙනෙහසට මතක පැන් ඉසිමින
මතක ඔස්සේ අතීතයට පිය නගා
පින් කරමි නුඹේ නමට සෙනෙහසින්
හිමි නොවනු පිණිස  මිලින වූ දිවියක්
අකාලික ව පරවූ මල් කැකුළු විලසින,

Thursday, March 29, 2018

කිවුලේ ගෙදර බණ්ඩාර දෙවියෝ

ඒ පියකරු සැන්දෑවකි. බැස යන හිරුගේ රැස් වැටීමෙන්  බටහිර ක්ෂිතිජය  කසාවත් පැහැ ගති.මේ ලෙස  කසාවත් වන  ක්ෂිතිජය වැසි නොලැබීමේ ,ලක්ෂණයක් යයි ද ,එය තඹ පාට විණි නම් වැසි නොලැබෙන බව දැක්වීමක් යයි ද විශ්වාස කෙරේ. පොසොන් මාසයෙහි , ලංකාවේ වියළි දේශගුණික  ප්‍රදේශ වලට වර්ෂාව නොලැබේ.ලංකා භුමිතලයට වර්ෂාවෙන් ලැබෙන ජලස්කන්දයෙන් වැඩි කොටසක්  මුහුදට ගෙන යාමේ භාග්‍ය ලබා ඇති මහා වාලුකා නදී තොමෝ සෙංකඩගල නගරය වටකොට ඉන් උතුරේදී නැගෙනහිරට හැරේ. එහිදී ඌව අසල මහා වංගුවටත් ,මහියංගන අලුත් නුවරටත් මැද පිහිටි මුස්ලිම් ජනයා පදිංචි ග්‍රාමවරයකි.

ඉහත් කි සැන්දෑ යාමයේදී පහරගම්මන ගම වටා පිහිතොඉ තිස් බඩයෙන් ඔබ්බෙහි ගල් තලාවක ,දඩයමට සිවුපාවකු එනතුරු නිශ්චලව සිටින දඩයම්කරුවකු සේ එක තරුණයෙක් නිශ්චලව බලා සිටියේය.තිස් බඩය නම් වියලි කලාපයේ පිහිටි ගම්වටකොට ,බඩ තිහක් ප්‍රමාණ පුළුලති එළිමහන් නිදහස් බිම් ප්‍රදේශයෙන් ඔහුගේ ගත නිසල වුවත් සිත චිත්තවලියෙන් චන්චල විය .මෙම තරුණයා ඉතා ශක්තිසම්පන්න කඩවසම්, හැඩි දැඩි පුරුෂයෙකි. දුටු දුටුවන් සිත් ඇදගන්නා, විශේෂයෙන් තරුණියන්ගේ සිත් ආකර්ෂණය කිරීමෙහිලා සමත් දෙන විලාසයක් ඔහුට තිබුණි.

මේ තරුණයා කිවුලේගෙදර මොහොට්ටලගේ පුත් කිවුලේ ගෙදර බණ්ඩාර විය.කිවුලේ ගෙදර ගම පිහිටියේ ගඟේ මහා වංගුව අසල , ගඟේ දකුණු ඉවුරේය.මෙය ඉතා පුරාන කාලයේ දියුණුව පැවති නගරයක් බවට අසල ප්‍රදේශයේ විසිර පවත්නා නටඹුන් සාක්ෂි දරයි.මෙහි තිබුණු විහාරස්ථානයක සතුරු උපද්‍රව කාලයකදී දළදා වහන්සේ ආරක්ෂිතව තැන්පත් කර තිබුණු බව විශ්වාස කෙරේ.  මහවැලි ගඟේ මහා ජලස්කන්දය අඩි10ක් හෝ 15ක් පමණ පළලඇති  රන්ටැඹේ ගල ,කිවුලේ ගෙදරටත්  ඌ මා ඔයේ මෝදරටත් අතර පිහිටියේය .

ඌ මා ඔය මහවැලි ගඟේ විශාල ශාඛා වලින් එකකි .

1817 -18 මේ සිද්ධ වූ වෙල්ලස්සේ කැරැල්ලේදී බින්තැන්න වියලුව ප්‍රදේශයේ ජාතිවත්සල්‍යයෙන් ඔදවැඩි ජනයා සමග ඉංග්‍රීසින්ට විරුද්ධව සටන මෙහෙයවූ කිවුලේ ගෙදර මොහොට්ටලගේ මුණුපුරෙකි.ඔහුගේ පුත් කිවුලේගෙදර බණ්ඩාර මේ බලා සිටින්නේ ඔහු හා ආලයෙන් වෙලී සිටින පාතුම්මා නමැති මුස්ලිම් තරුණිය පැමිණෙන තුරුය .පතුම්මා එගම මුස්ලිම් දෙටුවාගේ වැඩිමහල් දියණියයි.කිවුලේ ගෙදර බණ්ඩාර   අලුත් නුවරට යන එන අතර පතුම්මා දැකීමෙන් මේ සම්බන්ධය ඇති විය.ක්‍රම ක්‍රමයෙන් මුහුකුරා ගිය ආලයෙන් යුතු මේ යුවල සන්ධ්‍යා කාලයෙහි ,ඉහත කි ගල් තලාවේදී හමුවී ආදර බස් දෙඩීමෙන් ආලයේ ප්‍රතිපල භුක්ති විඳීමට පුරුදුව සිටියෝය.ඉහත කි වේලාවෙහිද .ඒ මුස්ලිම් තරුණිය එහි පැමිණ බොහෝ වෙලාවකින් ප්‍රේම සාකච්චාවෙන් පසු වී ගෙදරට ගියාය.

මෙසේ හොර රහසේ කෙරෙන ප්‍රේම සම්බන්ධයෙන් තෘප්තියට නොපත්,බණ්ඩාර තරුණය නිත්‍යානුකුලව ආවහා කර ගැනීමේ බලාපොරොත්තුව දිනක් ඇගේ දෙමවුපියන්ට තමන්ගේ අදහස දැන්විය.ඒ දෙදෙනා අනිකුත් මුස්ලිම් ජනයා හා සාකච්චා කොට ,පසුව තීරණය දන්වන බව කීහ.කිවුලේ ගෙදර බණ්ඩාර ,තරහා කර ගැනීම මුළු පහරගම්මන ගමටම විනාශකාරී කරුණක් බව තරුණියගේ පියාට වැටහිණි.එමෙන්ම බෞද්ධාගම්කාර සිංහලයකුට දුව පාවා දුනහොත් මුළු මුස්ලිම් සංහතියම තමාට විරුද්ධ වන බව ඔහු දැන සිටියේය.ඒ නිසා දෙගොඩ දෙවොරම් සිතින් රාත්‍රිය ගත කල ඔහුට අළුයම් වෙලෙහී ඒ ගැන කළයුතු උපක්‍රමයක් සිහිවිය.පසු දින මුස්ලිම් දෙටුවාගේ අදහස් දැනගැනීමට බණ්ඩාර තරුණයා ගියේය.
මුස්ලිම් දෙටුවා ඔහුට "පණ්ඩාර මාතියෝ අපිලගේ පැසි තියෙන ගොයම් එක දවසකින් කපා දෙන්න ඔහෙට පුළුවන් නම් දුව ඔහෙට දෙන්ට අපි සුදානම් කීය. බණ්ඩාර තරුණයා " හොඳයි හෙට දවසේ කපා දෙන්නං කිය. පොරොන්දුවේ ප්‍රකාර උදේ වැඩ ආරම්භ කොට , හිරු අස්තන්ගතවිමට දෙපැයක් තිබියදී ගොයම් කපා අවසන් කළේය. ඔහු එතරම් කායබලය ඇති යෝධ පුරුෂයෙකි.

ඉකිබිති මුස්ලිම් දෙටුවාට කළහැකි දෙයක් නොවුයෙන් අකමත්තෙන්ම දියණිය බණ්ඩාර තරුණයාට පාවා දුන්නේය. තරුණයා ඒ මුස්ලිම් නිවසේ නතරවිය. රාත්‍රී ආහාරයෙන් පසු ඔහුට කලාන්ත ගතියක් ඇති වී ලේ වමනය කරන්නට පටන් ගති, ඔහුට වෙදෙකු ගෙන්වා බේත් දෙන්ට යයි කිස තරුණිය දෙමවුපියන්ගෙන් සහ සහෝදරයින්ගෙන්ද ඉල්ලා සිටියාය.

ඔවුහු ඒ ගැන කිසිම තැකීමක් නොකළෝය.
මරණාසන්නයට පත් තරුණයා, තරුණියට කතා කොට පතුම්මා නුඹේ දෙමවුපියන් මට වස දී තිබේ.මම ඔවුන්ගෙන් ඒ පලිය ගන්නෙමි යයි පවසා අවසන් හුස්ම හෙළිය.
ශෝකයෙන් වේලි ගිය තරුණිය අඩා වැලපෙන්නට පටන් ගත්තාය.පිය සහ සොයුරන් ඇයට තර්ජනය කොට මල සිරුර පැදුරක ඔතා ඒ රාත්‍රියේම ගෙන ගොස් මහවැලි ගඟට දැම්මෝය.අපහු ගෙදර ගොස් ගේ දොර ශුද්ධ කොට නිදා ගත්හ. පතුම්මා තර්ජනයෙන් පසු කාමරයට වැදුණාය.පසු දින කිසිත් නොදන්නවුන් මෙන් නින්දෙන් නැගිට ගොවිපලට යාමට සුදානම් වුහ. දියණියගේ කාමරයේ දොරෙඅ ඇර බැලුවිට එය හිස්විය.

එක සොයුරෙක් ගඟ ලඟට ගොස් බැලු විට තරුණිය පැළඳි අභරණ ගන් ඉවුරේ  තබා ඇති බව දුටුවෝය.තරුනියද අළුයම් කාලයේම මගේ ආදරවන්තයා ඔබත් සමග මම එමියි ගඟට පැන්නාය. ගඟ පහලට ගලා ගිය සිරුරු කිඹුලන්ගේ ආහාරයට පත්විය.

මේ දෙදෙනාගේ ප්‍රේම සම්බන්ධය දැන සිටි අය ඔවුන් වෙනත් පෙදෙසකට පැන ගොස් ඇතැයි සිතුහ.මුස්ලිම් දෙටුවා සහ පුතුන්ද එලෙසින්ම එය දන ගැනීමට ඉඩ හැරියහ.ඉන් ගත වුයේ ස්වල්ප දිනකි.ඒ ගම්වැසියන්ගේ සියලුම ගවයෝ සතියක් ඇතුලත භයානක රෝගයකින් මරණයට පත්වුහ.ඊළඟට සියලුම ළදරුවන්ට එකවර නපුරු රෝගයක් වැලඳුනේය.ඉන්පසු ගම්වැසියෝ කපුවකු ගෙන්වා මායම් කරවා මේ ගැන විචාලෝය.
මායම් වූ කපුවා පැවසුවේ මරණයට පත්  කිවුලේ ගෙදර තරුණයා යක්ෂයකු වී පතුම්මා යක්ෂනියක වී ඉපිද ඇති අතර ඔවුන්ට කල විපත හේතු කොටගෙන මුළු ගම්මානයම විනාශ කිරීමට බලාපොරොත්තු වන බවයි.

භයට පත් ගම් වැසියෝ වැඳ වැටි  සමාව ඉල්ලා එතන කලයුතු වත් පිළිවෙත් හා බාරහාර පිළිබඳව විමසුවෝය.අවුරුදු පතා දළුමුර කෙම්බරක් පවත්වා ඔවුන්ගේ ආරක්ෂා දෙවියකු වශයෙන් සලකා පුද සත්කාර කරන්නට පොරොන්දු වන්නේ නම් ගමට ආරක්ෂාව සලසන බවත් නැතිනම් මුළු ගමම විනාශ කරන බවත්, දේවවේශ වූ කපුවා ප්‍රකශ කළේය.ඉන්පසුව ඔවුහු ඊට පොරොන්දු වී පසු දිනම ඉතා අලංකාර ලෙස දළු මුර කෙම්මුරයක් පවත්වා පුද සත්කාර කලෝය.ඉන්පසු ළදරුවන්ට ඇති වූ රෝගා බාධ සංසිඳුණු අතර අවුරුදු පතා සිරිත් පරිදි කිවුල්ගෙදර බණ්ඩාර දෙවියන් නමින් පතල වූ මොවුන්ට බුලත් කෙම්මුර නමැති කංකාරිය පවත්තනෙලු.

මග දිගට ජනකතා ඇසුරෙන්.
                                                                                    

Thursday, March 22, 2018

හෙළ කලාකරුවා අතින් කැටයම් වූ නළඟන රූ

නළඟන රූ අතරින් පැරණිතම රුව වන්නේ මිහින්තලේ සිංහ පොකුණේ සිංහ කටට ඉහලින් කොටා ඇති රුව ලෙසට පුරා විද්‍යාඥයින් පවසයි.එලෙසින්ම ඉසුරුමුණි විහාරය අභියස දකුණු බැම්මේ එවැනි වූ තවත් රූ කැටයම් කර ඇත. මෙහි ඇත්තේ සඳකිඳුරු යුවලකි.මිහින්තලය බෞද්ධ භික්ෂු මධ්‍යස්ථානයක් වූ අතර මෙවන් ස්ථානයක නළඟන රූ කැටයම් කලේ කුමන හේතුවක් මතදැයි යන්න විමසුමට ලක්වන කරුණක් වේ.
පොළොන්නරු යුගයේදී හින්දු සංස්කෘතිය බෙහෙවින් ව්‍යාප්ත වූ අතර දේශීය කලාවන්ටත් එහි අංගයන් ඇතුලත් විය.මහා පරාක්‍රමබාහු රජු නාට්‍ය රඟ දැක්වීම උදෙසා සරස්වතී මණ්ඩපය ඉදි කරන ලදී. පොළොන්නරුවේ දළදා මාලිගයේ
(අටදාගේ ) කුළුණු වල නළඟන රූ කැටයක් ඉතාමත් සුන්දරව කැටයම් කොට ඇත.

පරාක්‍රමබාහු රජුගේ ගමවූ පුංචගාමයෙහි ඇති සුතිසර චෛත්‍යයේ සැරසිලිවලින් යුතු නා වැට පහනේ දම්වැලක ලෝහයෙන් කැටයම් කළ නළඟන රූ දෙකක් හමුවී ඇත.එල්ලෙන දම්වැලේ පුරුක් අතරේ නර්තනයේ යෙදෙනාකාරයෙන් නළුවන් සහ බෙරකරුවන් දක්නට ලැබේ.

ගම්පල යුගයේ ඇම්බැක්කේ දේවාලය තුල දැවයෙන් කරවන ලද නළගන රූ කැටයම් දක්නට ලැබේ,මිනිස් වෙස් ගත, කිඳුරු වෙස් ගත් නළඟනන් දක්නට ලැබීම සුවිශේෂී කරුණකි.මේ යුගයට අයත් රූප ගඩලාදෙණිය , නියම්ගම්පාය ,අලවතුර යන විහාර තුලින්ද හමුවී තිබේ.

කුරුනෑගල රිදී විහාරයේ නළඟන රූ සහිත ඇත්දත් කැටයම් රාශියක් දක්නට ලැබේ.මේ අනුව කළාකරුවා විසින් විවිධ කාල පරයාසන්හිදී විවිධ මානයන් උපයුක්ත කොටගෙන මෙම නිර්මාණයන සිදු කළ බව පෙනී යන කරුණකි.
මෙම රුප ඉන්දියානු සංස්කෘතියේ අංග ලක්ෂණයක් වන අතර සංස්කෘතියට ගැලපෙන ආකාරයෙන් සුදුසු පරිදි සිදු කර ඇත.
සාහිත්‍ය කරුවන් විසින් නළඟන පිළිබඳව වර්ණනා කර ඇති අවස්ථා සාහිත්‍ය පත පොත රසවිඳීමේදී අපට දකින්නට ලැබෙන
කරුණකි, ථුපවංශය ,බුත්සරණ ධර්ම ප්‍රධිපිකාව යන පුස්තකයන් නිදසුන්ය . දෙවියන් ඉදිරියේ නළඟනන් රඟ දැක්වීම ආගමික චාරිත්‍රයක් වූ අතර ඇය දේව දාසි නමින් හැඳින්විය.

වැත්තාවේ හිමියන් විසින් ගුත්තිල කාව්‍යයේ මෙසේ සඳහන් කර ඇත.

රූ රැසේ අඳිනා ලෙසින් අත්
ලෙළ දිදී විදුලිය පබා
රන් රසේ එක්වන ලෙසේ වෙන නාදනු පා තබා තබා


Tuesday, March 20, 2018

කාන්තා දිනයක් පසු විය....

නිමා විය ගුණ ගයා , තවත් කාන්තා                දිනක්
ගුණ ගයා ,බැති පුදා සිදුවේද                       යහපතක්
ඇය සදිසි සැනසුමක් බර දරා                    මිහිකතක්
ඇහැකි නම් ලැබ දෙන්න ලතෙත් ඇති නව  ලොවක්

සදේ රැස් දකින්නේ හිරු දෙවිඳු නැති                  විටයි
හිරු එළිය දිලෙන්නේ  සඳුත් බැස                      විටයි
නුඹේ අගය දැනෙන්නේ නුඹ ගෙදර නැති           විටයි
කලේ දිය ලුණු රසයි ,සහගින්න කුස               පෙළයි

පාසලේ කඩ පිළේ නුඹේ දෙපා                    ඇදෙනවා
කැළේ  උල් කටු ඇණි යටිපතුල්                   රිදෙනවා
දර මිටිය හිස දරන අඩිපාරේ                     පෙනෙනවා
වැලි කතරේ නුඹේ කඳුළු වැලි පොලවේ      සිඳෙනවා

දුරු රටක නුඹ ගියේ යස ඉසුරු ගෙනෙන්නයි
දරු පවුලේ බර අදින නුඹම වෙයි ගෙයි බුදුන්
සුරා සොඬ සැමියාගෙන් නෑ පිහිට සිල පහන්
අතරමග බියකරුයි හමන සුළඟින්    රැකෙන්

Saturday, March 17, 2018

"කරදර පොදි බැඳ ගැල පිට පටවා"

අසමි ....
දකිමි ....
විඳිමි .....
"කරදර පොදි බැඳ ගැල පිට පටවා" ........

පද රචනය - උදයසිරි පතිරණ මහතා
මුල් ගායනය ස‍හ සංගීතය - පණ්ඩිත් අමරදේවශුරීන්

කරදර පොදි බැඳ ගැළ පිට පටවා
කරුමයෙ කළු ගොනු පෙරටුවෙ බැඳගෙන
මේ ජීවන මග අප යනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා

අප යන මේ මඟ කළුගල් මතුවී
පය රත්වීලා බුබුළු නැගෙන සඳ
දෑසින් කඳුළැලි මතුවෙනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා

කිරිගල්පොත්තේ කන්ද නගින විට
ගම සිටිනා ඔබ හදෙහි ඇඳෙනවා
ඒකෙන් ගමනට හිත දෙනවා
ඒ ගමනේ දුක් දාහෙ නිවාළන
සීපද මුවගින් පිට වෙනවා
සීපද මුවගින් පිට වෙනවා

ආචාර්ය පණ්ඩිත් අමරදේව ගයකයාණන් විසින් ගයනා කරන ලද මෙම ගීතය ගීත රසය මෙන්ම බුදු දහම පදනම් කරගත් හරවත් දර්ශනයක් පිළිඹිබු කරයි.ලයාන්විත හඬක් නොව ගායකයන්ගේ ගැඹුරු හඬ එම හරවත් බව තවත් ඔප්නංවයි .

"කරදර පොදි බැඳ ගැළ පිට පටවා
කරුමයෙ කළු ගොනු පෙරටුවෙ බැඳගෙන
මේ ජීවන මග අප යනවා"

අප පෙර ආත්මවල කළ කර්මය ගැළ ඇදගෙන යන කළු ගොණුට උපමා කරයි . අප ගෙවන දිවිය මෙහිදී ගැල වේ.
දුක් කම් කටොලුවලට මුහුණ දෙමින් යන මේ දිවි ගමනේ දුක .දාහය නිවාලන්නට ගැල් කරුවා සි පද ගයනා කරයි.

සාමාන්‍ය සම්මතයේදී කළු වර්ණය සංඛේතවත් කරන්නේ සතුට හෝ සෞභාග්‍ය නොවේ.දුක් කම්කටොලු සහ අසුබ සංසිද්දින්ය .ගැල්කරුගේ ජිවිතයද එසේමය
මෙය පිළිඹිබු කිරීමට අමරදේවයන්සිංහල ජන සංගීතයේ හැඩයන් ඊට යොදා ගැනීම ඉතා සංයමයෙන් යුතුව සිදු කර ඇති බැව් මනාව අවබෝධ වන කරුණකි.

කවි, සීපද සිංහල සංස්කෘතිය හා බැඳී පවතින්නක් වන අතර පැල් රකින ගොවියාද ,පතල් කරුවාද , කරත්ත කරුවාද ,පාරු පදින්නාද ගමනේ විඩාව නිවා ගැනීමට කවි ගායනා කලෝය .ජන ගී ජන කවි අභාශය සහ ගැමි වචන වලින් මෙම ගීතය ඉතා නිර්මාණශීලිව සහ අලංකාරවත්ව රසවිදින්නා වෙත ඉදිරිපත් කර ඇති බැව් මනාව පැහැදිලි වන්නාවූ කරුණකි .

"අප යන මේ මඟ කළුගල් මතුවී
පය රත්වීලා බුබුළු නැගෙන සඳ
දෑසින් කඳුළැලි මතුවෙනවා "

පයින් ගමන් කරන විට අව්රශ්මියට රත්වූ ගල් මතු වූ පාර නිසා දෙපතුල් රත් වී දිය බුබුළු මතුවේ. එම දාහය නිවාලන්නේ සී පද කීමෙනි .
අටලෝ දහමට උපේක්ෂාවෙන් මුහුණ දුන් ගැමියාගේ චරිත ලක්ෂණ මෙම ගීතයෙන් පිළිඹිබු වේ.

උස ප්‍රමාණයෙන් ලංකාවේ දෙවන උස්ම කන්ද වූ කිරිගල්පොත්ත කඳු වැටි මාර්ගයේ ගමන් කරන විට වෙහෙස තවත් උග්‍ර වේ.
කන්ද නැගීම ගමනේ දුෂ්කරම වූ කාර්යයි . එය ගල්කරුට මෙන්ම ගැළ අදින ගවයටද වෙහෙසකරය .එමෙන්ම ජිවිතාවදානමක්ද සහිත ගමනකි.

"කිරිගල්පොත්තේ කන්ද නගින විට
ගම සිටිනා ඔබ හදෙහි ඇඳෙනවා
ඒකෙන් ගමනට හිත දෙනවා.. "

කරත්තකරුවාට ගම සිටින බිරිඳ මේ ගමන අතරතුරේදී සිහිවේ.ඇය සිහිවීම මොහුගේ ගමනට මහත් වූ දිරියකි.ගැල්කරුවා වෙහෙස මහන්සි වී හරිහම්බ කර පවුලේ බර ගෙන යා යුතුය .ගැලෙහි පටවා ඇති බර මොහු දැරිය යුතු වගකීම් සහ යුතුකම් මනාව පිළිඹිබු කරන උපමාවකි.
ජිවත් වීම පහසු නැත.විශේෂයෙන්ම දුගි ජනතාවට විසල් ගැටළුවකි .

ජිවිත ගමන සමබරව ගෙන යාමට මොහු උත්සහ දරයි.ඔහු ජිවිතයට දිරියෙන් මුහුණ දුන්නා මිස, දිවියෙන් පැන යාමට උත්සහ කළේ හෝ පසුතැවිලි වී දෙෙවයට ශාප කළේ නැත .

වත්මන් යුගයට ඔබින කෙතරම් ධනාත්මක පණිවිඩයක්මෙම ගීතයෙන් සමාජයට ඉදිරිපත් කරයිද?




://www.facebook.com/photo.php?fbid=1498679916926643&set=a.430319570429355.1073741899.100003539474067&type=3&theater&notif_t=feedback_reaction_generic&notif_id=1521277069571020

Friday, March 16, 2018

පියාපත් ලද දෝණි

ඉපදුන දිනයේ සිටම දුක් විදිමින් තේ වතු වල වැඩ කරමින් ඉගෙනීම අතරමග කඩාගෙන ජිවිතයේ අන්තයටම වැටුණු යුවතියක් පිළිබඳව ඇතුලත් වුන කතාවකි ශාමෙල් ජයකොඩි මහත්මියගේ පියාපත් ලද දෝණි කෘතිය.
තම ජීවිතයේදී ජිවිතයට ඇතුළු වෙන්න ආපු ප්‍රේමයට හිතට ඇතුලත් වෙන්න නොදී හිත ශක්තිමත් කරගෙන තමන්ගේ ජීවිතය ගොඩ නගා ගන්නවා .

තම මිතුරියගේ උදවුවෙන් රටින් රටට ගොස් විවිධ රැකියාවන් ගෙන් ජීවිතය ගොඩ නංවාගෙන විවිධ ක්‍රියාකාරකම් ඉගෙන ගෙන ඉහලට යන්න උත්සහ කරන චරිතයක්.
බොහෝ දරුවන් පිටරටට ගිය පසු තම දෙමවුපියන් අමතක කරනවා.ඔවුන්ට සලකන්නේ නැහැ ,නමුත් මේ කතාවේදී වෙනස් වෙනවා .මේ ගෑනු ළමයා සුර සැප විදින්නට උත්සහ නොගෙන , ජිවිතේ උපයන හැම සතයක්ම තමන්ගේ පවුල වෙනුවෙන් පවුලේ සුබ සිද්ධිය වෙනුවෙන් වැය කරනවා .දෙමවුපියන්ගේ ඉල්ලීම මත ගමේ නොයිඳ රට යාමට තරම් හිත ශක්තිමත් කර ගැනීම ඇයගේ වගේම පවුලේ වාසනාව උරගා ගැනීමක් වුන බව ඉතාමත් අපුරුවට මෙම පොතේ අන්තර්ගත වෙලා තියෙනවා .නමුත් අවාසනාවකට දෙමවුපියන් තෙරුන් ගත්තේ නැහැ මෙම උත්සාහය.ඔවුන් සිතුවේ තමන් සිටින දුඛිත තත්වයයි යහපත් සතුටු දායක කියල.

කාන්තාවකට තම හිතේ විශ්වාසය අදිෂ්ඨනය තියෙනවා නම් කරන්නට බැරි දෙයක් නැහැ කියන දේ හොදින්ම අන්තර්ගත වුන කෘතියක්



https://scontent.fcmb1-1.fna.fbcdn.net/v/t1.0-9/28059084_1475193002608668_4224983832142803921_n.jpg?oh=a33e87abc1080735cd73204cbf6e91b8&oe=5B0137DC

Thursday, March 15, 2018

සිතුවිලි

කදු හිස් මුදුන් අතරින් පෙනෙනා
සඳ රැස් මවන සෙවණැලි
හිද මා තනි නොතනියට අද
කවි සිතුවිලි මවා දෙයි
සඳ රැස් පහසින් සිතට

කදුලැල් සලා වෙහෙසව ඇත සිත බෝම
සුලඟේ පාව යයි සුසුමන් දුක් මුසුව
ඒ දැක තරු එලිය පායා විත් නුබ ගැබට
මා සිත සනසවයි කොඳ මල් පුබුදුවමින

සුලගේ පාවෙනා සිතුවිල්ලක් එක්තැන් කොට
මවන්නට පුරමි පෙරුමන් කවි සිහින
හදවතට ඉඩ නොදී යන්නට අනන්තය වෙතට
දිවියේ මල් පුබුදුවමි අදිටන ගෙන මා සිතට

Tuesday, March 13, 2018

මම පිසාචයෙක්.ඔබ මිනිසෙක්

විද්‍ය ප්‍රබන්ධයක් යනූවිද්‍යාවෙත් සාහිත්‍යයෙත් සුසංයෝජනයකි බටහිර රටවල් විද්‍යාත්මක ප්‍රබනධ ලිවීමෙහිලා ප්‍රමුඛත්වයක් ගනු ලබන අතර ආසියාතික ලේඛන කලාවෙ විද්‍යාත්මක ප්‍රබන්දයින්ට තවමත් ඇත්තේ මන්දගාමී ස්වරුපයකි.
ලාංකීය පාඨකයින් පරිවර්තන හරහා විද්‍යාත්මක ප්‍රබන්ධයන් රස විදී. ආතර් සී ක්ලාක් මහතාගේ රචනයන් මේ අතර ප්‍රමුඛත්වයක් ගනී. මේ වන විට සුසිත රුවන් කතුවරයාගේ රාවනා මෙහෙයුම ඉකරස් අදී කෘතින් හරහා මේ විද්‍යාත්මක බව මොවුන් රස විඳී
.
විද්‍යා ප්‍රබන්ධයන් රසවත් වූ තරමට පාඨකයින් මේ කෘතින් රස විඳී රසපරික්ශක කතාවල අන්තර්ගත වූ කූතුහලය ,අපූර්ව චමත්කාරය මේ කෘතින් වල අන්තර්ගත වන තරමට පාඨකයා මේ කෘතින් ග්‍රහණයට ලක් කර ගනී.
ලන්කාවේ චැම්පයර් වරුන් වටා ගෙතුණු කෘතිය බවට "මනෝජ් රත්නායකයන්ගේ මම පිසාචයෙක් ඔබ මිනිහෙක් විද්‍යාත්මක කෘතිය එලි දැක්වූයේ මෙලෙසිනි.

ලේ උරා බොන චැම්පරයින් පිලිබන්දව අප නොයෙකුත් කතා වන්හී අසා දැක තිබේ. රටේ තරුණියන් ගේ මරණ සිදු කරන්නේ අයේශාද??නැතහොත් මහාචාර්ය මිලින්දද?




https://www.facebook.com/photo.php?fbid=1482154981912470&set=gm.272087193326910&type=3&ifg=1

Monday, March 12, 2018

නුතන සිතුවම්.

1800 වසර වල අග භාගයේදී බොහෝ සිතුවම් කරුවන් නව අත්හදා බැලීම් සිත්තම් කලාවේදී සිදු කරන ලදී. මොවුන් විවිධ නියමයන් අනුගමනය කරන ලද අතර මොවුන් කිහිප වර්ගයක්ම දකින්නට ලැබුණි.

ඝතිකවාදී

යම් කරුණක් පිලිබඳ ආකල්ප ගණනාවකින් එකම අවස්ථාවේදී පෙන්නුම් කරන සිතුවම් වර්ධනය කළවුන් මේ නමින් හැඳින්වුනි.පැතලි කඩදාසියේ මුර්ති නිර්මාණය කල අතර පැබ්ලෝ පිකාසෝ මොවුන් අතර මුල් තැන සිටින සිත්තරෙකි,

අධි තාත්වික වාදී

පරිකල්පන කිරීමේද සහ සිහින ලෝකයේ ගමන් කර සොයා බලන මොවුන් එම චිත්ත රූපණ සිතුවමට නගන ලදී. 1990 දශකයේදී මොවුන් වඩාත්ම තම දක්ෂතාවයන් හැකියාවන් වර්ධනය කර ගන්නා ලද අතර මොවුන්ගේ මෙම සිතුවම් රසවින්දින්නන්ට බිය ජනක බවක් එක් කරන ලද සිතුවම් වුහ.ස්පාඥ ජාතික සැල්වදෝර් අධිතාත්වික සිත්තම්කරුවකු විය.

උපස්ථිතිවාදී

මොවුන් 1874 වසරේදී පැරිස් නුවරදී සිතුවක් ප්‍රදර්ශනයක් පවත්වන ලද ප්‍රංශ ජාතික කණ්ඩායමක් විය.මොවුන් ආලෝකය සහ වර්ණය පිලිබඳ උනන්දු වූ අතර එවූඩාඩ් මැනෙට් , එඩ්ගා ඩෙගාස් කැපී පෙනුන සිත්තරුන් විය.


අමුර්ත සිත්තරුන්

මෙම සිතුවම් ඉතාමත් අසමානය බවකින් යුක්ත වුන අතර ඔවුන් බලා සිටින ඕනෑම දෙයක් ඒ ලෙසින්ම සැබෑ රුවක ආකාරයෙන් සිතුවමට නැගීමයි. ඔවුන්ගේ සිතට දැනෙන කොටස් ඉතාමත් අපුර්ව ලෙස මොවුන් සිත්තමට නැගීමට දක්ෂ විය.ඒ හේතුව නිසාම මෙම අමුර්ත රුප කොයි ආකාරයෙන් සිතුවමට නැගුවද යන්න සිතීම තරමක් අපහසු වීම විශේෂ කරුණකි.